تنخواہ کی عدم دستیابی کے باعث ذہنی دباؤ سے کے ایم سی کے ملازم لیاقت علی کے انتقال پر افسوس کا اظہار۔ آصف حسنین
(پ ر) پاک سر زمین پارٹی کے کراچی ڈویژن کے صدر آصف حسنین نے تنخواہ کی عدم دستیابی کے باعث ذہنی دباؤ کا شکار ہونے سے کے ایم سی کے ملازم لیاقت علی کے انتقال پر افسوس کا اظہار کیا ہے۔ انہوں نے کہا کہ کے ایم سی کے افسران اور نام نہاد منتخب نمائندوں کی جانب سے متعدد بار یقین دہانیوں کے باوجود 8 محکموں کے ملازمین کو ان کی تنخواہوں کی ادائیگی تا حال نہیں کی گئی تھی جس کے باعث یہ افسوس ناک حادثہ پیش آیا اور قیمتی انسانی جان ضائع ہوئی۔ انہوں نے کہا کہ شہری انتظامیہ خود تو تمام تر حکومتی مراعات کے مزے لے رہی ہے لیکن نچلی سطح پر ملازمین کے مسائل پر کوئی توجہ نہیں دے رہی جس سے ملازمین اور عوام مشکلات کا شکار ہیں۔ انہوں نے مرحوم کے درجات کی بلندی اور لواحقین سے اظہار ہمدردی کرتے ہوئے کے ایم سے کے افسران سے لواحقین کے لئے مالی معاوضے اور چیف جسٹس سندھ ہائیکورٹ سے واقع کا ازخود نوٹس لینے اور مقدمہ درج کر کے زمہ دار نااہل افسران کو قانون کے مطابق سزا دینے کا مطالبہ کیا۔
